香港人週末有咩嘢地方好去？ 今次就等我哋向你重點介紹返，一個好鬼死正嘅公共空間 － 藍巴勒海峽…個海濱！我哋會喺嚟緊嘅三個星期六同星期日，喺荃灣西海傍、深井釣魚灣同埋青龍頭海傍， 攪個叫「荃灣海濱空間營造計劃」嘅活動，六日裡面有多過十樣嘢玩，俾你哋用唔同角度感受吓個海濱！

你哋得閒嘅話，就過嚟一齊玩啦！如果你仲要係住喺荃灣、深井或者青龍頭嗰邊嘅居民，就fit晒嘞。著多兩件衫，行兩步落嚟玩吓，仲可以話俾我哋聽你想要嘅海濱係點樣「添」！

* 荃灣海濱空間營造計劃由荃灣區議會贊助，並由荃灣區議會沿海事務委員會轄下沿海設施管理工作小組及拓展公共空間合辦。主辦機構保留更改活動之權利。